Trupi yt ngjalë
flokët në shpinë
Ngritur me natë
bukuri që ndrin
Baluket fije-fije
syrin kanë zënë
Rrezatim bukurie
yll, diell e hënë
Herët në mëngjes
ngrihesh lozonjare
Trëndafil me vesë
ti nuse shqipëtare
Me syrin shkruar
akoma pa gdhirë
Mbush ti në krua
ujë për të pirë
Punët e shtëpisë
kryen pa përtesë
Kafen vjehrrisë
sjell çdo mëngjes
Tabakaja në dorë
të shton hijeshinë
Je buqetë luleborë
paqe për vjehrrinë
Dhe një ëmbëlsirë
servir në mëngjes
Për një ditë të mirë
shpirtin atyre ndez
Me buzën në gaz
traditë e marifet
Gjithçka me maraz
e servir plot lezet
Të ndodhë ndryshe
s’ mundet kurrsesi
Nga nënë e gjyshe
mësove përgjegjësi
