Jam bijë visesh
Ku qiejt
Puthin tokën,
Dhe rrënjësh
Ku pyjet
Thërrasin me zë zotash
Aty
Ku kuvendesh
Të ftojnë
Të kuvendosh,
Dhe ku malet
Vënë kapucë me borë
Aty
Ku malet vënë
Plisa mbi kreshtë,
Aty
Ku fjala gatuhet
Magjave ëmbël,
Dhe sytë
Shpojnë si heshtë
Jam bijë
Kullash të larta,
Të ftohta mendimesh,
Ku cungun e fundit
E ruajnë der në maj,
Aty
Ku fjala
Lidhet besa besë,
Dhe mbajnë
Zemrat zjarr
Jam stërmbesë
Zanash,
Stojzovallesh,
Që udhëtojnë
Zabeleshe trojesh,
E zhurmojnë krojet
Jam bijë
E birit,
Të Sali malësorit.
(Saliu është gjyshi im)
