Dëbora
Dëbora është dashuria ime e vjetër,
(Gjithmonë e magjishme me flokë si flutur),
Kur shikoja gjurmët që linte mbi të,
Një grua e bukur.
Dëbora është dashuria ime e parë,
Çmendesha kur niste rrugëtimin nga mali,
Dhe shikoja një vajzë të brishtë,
Te mbahej mbi supet e një djali.
Dëbora është dashuria ime e bardhe,
Që kthej në vesë mbi gushë e në faqe,
Sa herë që shkrinte shikoja nën të,
Tufa manushaqe.
Dëbora është dashuria ime e hershme,
Ëndrra me të cilën kisha dëshirë të luaja,
Dëbora është dashuria ime e madhe,
Ndoshta edhe e juaja.
