Mos më ik si hije
Mos u fsheh pas pemëve kur muzgu bie
Mos u shkri në një me terrin e parë
Dhe kur nisem të të kërkoj
Ti hije si hije, befasisht më ndjekë nga pas
Mos u zhyt në det me perëndimin e diellit
Do të kërkoj gjithkund edhe nëse kaloj kufijt e qiellit
E posa zgjat duart hijen për ta kapur
Ti më ngjitesh nga pas, hije përtej mallit e zgjatur
Do të shtërngoj fort si një re të dendur
Nuk të lë të ikësh si një shtllung mjegull
Do të zaptoj gjithësinë e paskaj
Ti shtrihu në shpirtin tim si sorkadhja në strofullën e saj.
