MUZGU MORI EMËRIN TËND
Muzgu mori emërin tënd,
tek dremitej…i menduar,
pritja heshtjes…zuri vënd,
shtegëtarja…e munguar…
Gjoksin malli ta sumbon,
shpirtin ikja ta gërvishtë,
rrezja e fundit të qorton,
vesa lag shtat të brishtë…
Re zëmrake ecin,shkojnë,,
të vështrojnë plot qetësi,
gjysmë-errësire kalërojnë,
kokën pas…kthejnë nga ti…
Muzgu mori emërin tënd,
tok me ty…ç’u përmallua,,
pritja heshtjes…zuri vënd,
dhimbja hijesh…u mërgua…
