ME XHAKETËN NGJYRË LIRIE
Në dhimbje ti sa thellë u fute
Zjarr në shpirt në kohë robërie
Me krenari fëmijë përkunde
NËNË o diell me rreze lirie
Në mes tokës edhe qiellit
Dal mes flakës po si tym
Si ringjallje në mes hirit
Lule me fletët shkrumb
Me krenari jetën mbështolle
Trollit munde plagë robërie
Shpirtit mjegullat ia mposhte
Me xhaketën me ngjyrë lirie
Ngrohtësia jote ishte shpresa
Krenaria dhembjen e mundi
Nënë përkunde zjarrit djepa
Dora jote shkab flamuri
Diell të jetës ty Nënë të kam
Edhe atëherë kur kam stuhi
Gjithnjë i vogël pranë teje jam
Ylber që mund çdo mrekulli
Shekujve sa gjatë dritën e kërkuam
Të kërkoj falje për çdo gabim
Atdheun e lirë bashkë e ëndrruam
Veç njëherë e pamë me gëzim
