MOS E LËSHONI VENDIN
Mos e lëshoni vendin
mendoni se ku po shkoni,
shtëpinë po e lëni bosh
shtetin po e varfëroni.
Kurrë mos mendoni
se do t’gjeni më mirë,
s’ka si vendi yt
ku jeton i lirë.
Nuk të ngroh as dielli
nuk të ndriçon hëna,
po ku ka më mirë
se të rrish te nëna.
Pa punuar shumë
as atje s’ke vend
paraja s’vjen vetë,
por puno me mend.
Shumë njerëz para teje
kurbetin e kanë provuar
është bukë e hidhur
pendohesh pse ke shkuar.
Kur të rrok mërzia
dhe nuk sheh me sy,
s’ke askënd të afërt
që t’jetoj me ty.
Të ikën djalëria
atje në dhe të huaj,
çdo ditë që shkon
të duket një muaj.
Rri në shtëpinë tënde,
ku të lindi nëna,
ku hëna rrezon bukur
dielli më mirë se hëna.
Këtu ke farefisin
motra e vëllazëri,
mos ik nga këtu
se s’gjen rehati?!
