Mot kryesisht me diell dhe më i nxehtë parashihet ditën e premte. Vranësirat mund të zhvillohen përreth zonave malore gjatë ditës, por se nuk priten kushte për të reshura. Temperaturat minimale zbresin në 12C e 16C, ndërsa ato maksimale gjatë ditës shkojnë deri në 29C e 31C.
Frynë erë e lehtë nga perëndimi dhe veriperëndimi 2-4m/s, njofton Prishtina Weather.
Në fundjavë parashihet mot edhe më i nxehtë me maksimale deri në 32C e 34C. Do të ketë më shumë intervale me diell.
Orëve të pasdites përreth zonave malore priten zhvillime të rrebesheve të shiut dhe bubullima, e nuk përjashtohen mundësi që më pas nga mbrëmja të shtrihen edhe në pjesë tjera të vendit. Mundësi për rrebeshe shiu paraqiten edhe ditën e hënë, më vonë pasdite.
