Real Madridi po përgatitet për ndeshjen hapëse të sezonit 2024/2025, finalen e Superkupës së Evropës ndaj Atalantës.
Carlo Ancelotti do të ketë ‘kokëdhembje’ në aspektin e përzgjedhjes së 11 titullarëve, pasi italiani do të ketë në dispozicion të gjithë lojtarët, përveç David Alabas.
Finalja e Varshavës do të jetë e para e Kylian Mbappes me fanellën e Real Madridit. 25-vjeçari është blerja më e madhe e kësaj vere dhe gjëra të mëdha priten nga ai në kryeqytetin spanjoll.
Megjithatë sipas Diario AS, ka mundësi që ai të mbetet në bankën rezervë për këtë ndeshje për arsye se Ancelotti dëshiron t’i besojë ekipit që luajti në finalen e Ligës së Kampionëve në qershor.
Të vetmet dy ndryshime që ai do të detyrohet t’i bëjë janë Eder Militao që pritet të marr vendin e Nacho Fernandez dhe Luka Modric atë të Toni Kroos.
Kjo do ta linte Mbappen në bankën rezervë, ani pse ai mund të startojë së bashku me Rodrygon në fazën ofanzive.
Real Madridi do të jetë i vendosur që ta fitojë trofeun e parë të sezonit javën e ardhshme dhe duke marr parasysh se është një finale evropiane, Ancelotti nuk do të ketë hapësirë për eksperimente./Telegrafi/
