- Suksesi i një jete bashkëshortore është atëherë, kur partnerët respektojnë njëri-tjetrin, -më shumë, në moshën e tretë.
- Dëshirat tona realizohen vetëm atëherë, kur, ne besojmë në vetvete dhe konceptojmë në mendjen tonë.
- Nuk duhet të na frikësojnë sulmet e njerëzve negativë, kur dimë të përdorim fare mirë diturinë, zgjuarsinë tonë.
- Jeta, nuk jetohet veç për të fituar të ardhura financiare, por dhe për të lënë pas vepra me vlera…
- Kur çdo gjë shkon kundër dëshirës sonë, mos u dorëzoni, filloni nga e para. Guximi është gjysma e punës.
- Femrat e forta janë të veçanta, sepse luftojnë me forcat e tyre në jetë, nuk presin të vijë një mashkull t’i shpëtojë.
- Njeriu i mirë, i edukuar që në vegjëli, nuk lejon gënjeshtra, arsyetime, nuk merret me punë të kota.
- Të pasur janë njerëzit që kanë shpirtra paqedashës, jo vetëm kush ka shumë pasuri.
- Disa njerëz mashtrohen, në fillim të njohjes i josh pamja fizike e gjinisë tjetër, për të kaluar ditë të bukura, duke lënë pas dore mendjen (pjekurinë) që vlen për gjithë jetën bashkëshortore.
- Sot, është e çuditshme me politikanët tanë, sepse në vend të turpërohen me hajnitë e tyre, krenohen?!…
- Leximi na bën të pasur, vetëm atëherë, kur nxjerrim mësime të vyera…
- Nuk ka dështim më të madh, kur, njeriu i duruar, humbet durimin.
- Duhet të jemi mirënjohës për sukseset e të tjerëve, që të tjerët të jenë mirënjohës për sukseset tona.
- Suksesi i një prindi, është atëherë, kur ushqen fëmijën e tij, me ndjenjën e respektit për çdo kategori njerëzish.
- Jeta është e bukur, kur, ty din ta vlerësosh me pak gjëra e duke ndihmuar njerëzit në nevojë.
- Duhet t’i mësojmë fëmijëve tanë se, figura e mësuesit duhet respektuar, sikurse prindërit tanë.
Landa Molishti-Një tufë fjalësh të urta
TË NGJASHME