Ditët me diell ikën
erdhi vjeshta me shi dhe erë,
kudo gjethet grumbullohen
te secila derë.
Fryen erë e ftohtë
dhe shiu nuk pushon,
bujku mbledh frutat
fare nuk përton.
E artë është vjeshta
me mollë e dardhë
i hanë të gjithë
me faqe të bardhë!
Gjethet e drunjve
ngjyrën kanë ndryshuar
bien shumë n’tokë
vendin kanë mbular.
Lejleku e dallëndyshja
tash më janë larguar,
në vende të ngrohta
ato kanë shkuar.
Qielli plotë re
dhe dielli është fshehur,
barin në livadhe
vjeshta e ka krehur.
