Një valë drite,
nëpër shkallë vitesh
rrokulliset,
e në kristalinin e syve
më ngjitet.
M’i shih sytë
e shijo sekondat
që po të ikin,…
bardhësia në zemër
e në flokë,
nuk ta ftoh shpirtin.
E një lule erëmirë
pranë sekondave tua
hedh parfum
që dlirë rrudhat.
Ti e re
mbete nënëmira,
e unë fëmijë,
bashkë ndajmë sekonda trishtimi,
që vijnë gabimisht
në botën tënde.
E dhembshurisht
ndjej hapat në largim
që fashiten,…
në rrugën e jetës
pa kthim…
