Nga pylli i shpirtrave të trazuar
Jehonë dëshirash megalomane
Premtime të kota madhësishë oqeanike
Gjithandej në Tokën tonë Dardane
Prishin qetësinë e kohës
Sikur i ngushtojnë lirinë njeriut
Ngrisin tensione
Në çast krijojnë huti
E, rrudhat e ballit
Në mua palohen
Dhe flokun me nxitim
M’përshkon teni gri
Zhurmë e përditshme
Që nuk di të ndalet
Çdo ditë deri në orët e vona
Si të ishin pa mbarim
Të gjithëve pa ndasi
Na trazojnë zemrat tona
Ndjenjës së njeriut
Pamëshirshëm i zunë pusi…
Bekim Blaku-JEHONË NGA ATJE
TË NGJASHME