Mos ndalo ,o Perendeshë
Qëndro fort si malet tona
Gjuhë e shpirtit sokoloshë
Si flamur me shqiponja !
Mos ndalo ,o zemra ime
Fluturo ti me lastarë
Sikur dielli në agime
Dritë shekujsh e paparë .
Dhe kur shkon në dhe të huaj
Mos u shuaj ,o gjuhë shpirti ,
Qofsh përhërë e ëmbëltuar
Qumësht nëne si filizi .
Gjuhë e shëjtë gjak shqiptari
N’bjeshkë e fusha ligjëro ,
Në beteja s’të djeg zjarri
Porsi dielli ti ndriço !
Qofsh e fortë si Teuta
Rrënjëngulë në histori ,
Po dridh telin ajo lahuta
Nënë Tereze më je ti !
M’poshte dallgë dhe rrufe
Si flamuri kuq e zi ,
Për ty trimat bënë be
Gjuhë shqipja si flori !
