Më thonë të mos këndoj,
por unë këndoj më fort.
Edhe kur më lidhin duart,
zëri im s’ka pranga dot.
Më thonë të mos shikoj,
por unë shoh më larg,
edhe pse dritarja ime
është veç një mur i bardhë.
Më thonë të mos ëndërroj,
por unë ëndërroj më shumë,
edhe kur errësira bie,
ëndrrat bëhen dritë në gjumë.
Më thonë të mos jetoj,
por unë jetoj më shumë,
sepse shpirti s’njeh pranga
dhe s’vdes kurrë nën dhunë.
