Mbi degë të kumbullës
Ta l’shova një za
S’e di a më nigjove
S’e di a më ke pa
Mbetur fillikat
Si zogu pa ushqim
T’kërkoj turravrap
Natën në ëndrra e herët në agim
Edhe trëndafilin
Që ma dhe n’Pranverë
S’di se ç’pati Dimri
E thau kësaj herë
Edhe vargu e rima
Kapur tek një fjalë
Gjumit me gërrhima
S’po gjejnë shteg me dalë
Edhe lulja e kumbullës
I rrëzoi petalet
Diku n’cep të buzës
Era i mori fjalët
S’e di ç’pati Dimri
Me to kësaj herë
U tha trëndafili
E lulja s’ka më erë
…Mbi degë të kumbullës
Ta l’shova një za
S’e di a më nigjove
S’e di a më ke pa …
