Mbi dy buzë kacavirrem
T’u këpus dy manaferra
Njëra buzë mendon se shtirem
Buza tjetër zien si vera
Tek më shtynte një fllad ere
Të shijoja manaferra
Njëra buzë digjej në ethe
Tjetra më shponte si ferra.
Të duroja s’qeshë i zoti
Për dy buzë për atë gojë
I thitha siç di veç Zoti
Sa filloi të më dojë
Ah ju buzë ju manaferra
Si s’më lini të ik larg
Sa ha njërën piqet tjetra
Sa ju puth bëheni varg.
