Më merr malli , më zhurit ,
Për një bejkë atje në brinjë .
Mbi të tjerat , diell ndrit .
E vogla , rritur kërthinjë
.
Të afrohem , ikën tutje .
Prit moj , prit , uf , u lodha !
Të të falem , të bëj lutje .
Një tufë lule për ty mblodha .
Ja , më tej , është një hije ,
Reth e qark lëndinë e lule .
Vend parajse , dashurie ,
Zure vend , atje u ule .
Thashë se mua më prite .
M’u lodh këmba ti më the .
Sa të dua , duam mike ,
Me gjysmë fjale mos gënje !
Koha ikën , ikin mote ,
Dita – ditës dufi ndizet .
Pse mendohesh ti zotrote ,
Vjen mosha e s’lëvizet ?!
Ja , behari mori vragë ,
Ti akoma plot me huqe .
Për të shëruar këto plagë ,
M’i shërojnë faqet burbuqe .
Do ta thaj për ty lumin .
Do ta pi të gjithë burimin .
Do ta mbyll me çelës gjumin ,
Me puthje do shuaj vlimin .
