Ç’është ky vend që e rëndojnë plagët
lotët kurrë pa ju tret
ç’janë këto zëra si të korbave të zinj
që lirisë ia kanë shtuar retë
Eh,sa tymin e kemi përpi
frymën zjarri
na e pati ndalur
nëpër varre kemi ecur
pa e ndalur
as njëherë hapin
Krejt lirisë i ka humbur hijeshia
as pranvera më s’po më duket si pranverë
ç’është lira kurrë s’dita
veç njëherë
në qershor
shqiponjat e patën sjellë
Ç’është kjo tokë plot me varre
përmendore i kemi ngritur lotit
gjamën nënës s’ja kuptojmë
kam frikën gjaku i dedhur
do të na bëhet mallkim prej Zotit
Sa gjarpërit bashkë
ia kemi shtypur kokën
krenaria ku na mbeti
s’di ndokujt ai dhemb shpirti
kur shqipja flet me qiellin
e si hije tokës i shkon loti
