Florian Wirtz pritet të fitojë një pagë marramendëse nëse transferohet te Liverpooli këtë verë.
Arne Slot po kërkon të shpenzojë shumë për të përmirësuar një skuadër tashmë mbresëlënëse pasi ata fituan Ligën Premier dhe një marrëveshje për organizatorin gjerman Wirtz është shumë afër.
Ata do të duhej të thyenin rekordin e transferimeve në Ligën Premier për të siguruar nënshkrimin e Wirtz, pasi Bayer Leverkusen e vlerësoi 22-vjeçarin me 150 milionë euro.
Liverpooli ka ofruar 120 milionë euro plus 20 milionë shtesë në bonuse, por skuadra gjermane po refuzon një çmim që do të tejkalonte çmimin prej 130 milionë eurosh që Chelsea i pagoi Brightonit për Moses Caicedon.
Mesfushori sulmues e ka bërë të qartë se Liverpooli është zgjedhja e tij dhe një transferim thuhet se ‘konsiderohet si një marrëveshje e kryer’
Të Kuqtë do të shpenzojnë gjithashtu shumë për pagën e Wirtz, me gjermanin që do t’i ofrohet një kontratë pesëvjeçare me vlerë 425,000 mije euro në javë, sipas Bild.
Paga marramendëse do ta bënte atë lojtarin e dytë më të paguar të Liverpoolit, mbi 415,000 euro në javë që fiton Virgil van Dijk, por pak më poshtë fitimeve javore prej 475,000 euro të Mohamed Salah./Demokracia.com/
