Ora e babës e blerë
Shumë kohë më parë
Më kujton kohën kur
I kisha prindërit gjallë
Tiktaket e orës
Më sjellin nostalgji
Jetën e bukur
Lojërat në fëmijëri
Kur ora bie shtatë
Më kujton zërin e nënës
Që na zgjonte
Për në shkollë
Kjo orë i ka tingujt e dashurisë
Më kthen ditët e fëmijërisë
Nënë e babë i kishim gjallë
Jeta ishte si një përrallë
Kjo orë e vjetër
Në murin e ri
Më kujton sofrën ku
U rritëm shtatë fëmijë
Ora e babës
Shumëçka më kujton
Loti më rri varur
Që shpesh më pikon.
