Ishte verë e nxehtë
dhe shkova në det
në plazh u rrezita,
por nuk isha vetë.
Pas disa ditësh
deti kishte valë
dhe në zall
një peshk kishte dalë.
Më shkoi syri andej
dhe e shikova,
peshkut të gjorë
pak i ndihmova.
Lëvizte peshku
përpëlitej n’zallë,
por shokët e vet
ai i kishte mall.
Peshku pa ujë
s’mund të jetojë
e hodha në det
nisi të notojë.
U gëzua peshku
sa shpejt u largua,
m’u duk se mua
m’u falënderua.
