Sa e sa herë
Madje edhe në mes të natës
Në nënvetëdije me zë të lartë
Thërras emrin tënd
Uroj e shpresoj të më dëgjosh
Atje ku je (tek lulet e mira!)
Atje përtej… Matanë.
Fytyra jote para më del
Si mirazh
Derisa unë në vete
Gëzohem si fëmijë
E mërzitem si i rritur
Pastaj me vrap dal në dhomën tjetër
Të shoh mos fëmijëve
Gjumin ua kam prishur
Ti vetë më thoshe
Ruaji fëmijët
Mos ua prish gjumin për askënd
As për vete
Ata tashmë ishin zgjuar
AJO nga lart na sheh dhe na do
Than, Rubini dhe Bleta
Për TY
