Olympique Marseille ka rritur përpjekjet për transferimin e Edon Zhegrovës, anësorit të Lille dhe yllit të Kombëtares së Kosovës, ndërkohë që Juventusi mbetet i bllokuar në merkato.
Sipas raportimeve të Gianluigi Longarit, “Bianconerët” kanë shfaqur interesim për Zhegrovën, por negociatat e tyre nuk kanë avancuar pasi klubi nuk mund të nënshkruajë me një sulmues anësor derisa të zgjidhet situata e Nico Gonzalez, i cili po pengon afrimet e reja.
Në anën tjetër, Marseille ka intensifikuar kontaktet në ditët e fundit dhe duket në një pozitë më të favorshme për të siguruar shërbimet e Zhegrovës.
Klubi francez e sheh 25-vjeçarin si një përforcim të rëndësishëm për skuadrën e trajnerit Roberto De Zerbi dhe synon ta mbyllë marrëveshjen para se Juventusi të rikthehet fuqishëm në garë.
Andaj, mbetet të shihet deri në ditët e fundit të afatit kalimtar se ku do të kalojë Zhegrova, por një kalim te Zonja e Vjetër nuk mund të përjashtohet.Demokracia.com/
