…-pranvera erdhi…
Nëpër ftyrat tona rrëshqiti nji gëzim
dhe ndër zemra tona ngriti nji fole,
e nji jetë e bukur e një jetë e re,
me dëshira të shumta po buzëqesh në lulëzim.
…Dhe dallëndyshja erdhi…
Si shpirt n’ekstazë, në hovin e shejt u shtri
me qiellin rroket, me diellin puthet,
dridhen krahët në hare~ mandej poshtë vërsulet
tue dhurue me cicërim përshëndetje nji mije.
…Dhe vesa shkëlqen…
Në nji pikë t’argjendtë pasqyrohet jeta,
tërheqëse si andrra dhe si vizatimi
ndër orët e hyjzimit, kur shpërthen agimi
e rrezet e arta rrëshqasin ndër fleta.
