Të gjithë shkollarët
janë shumë të gëzuar
që erdhi shtatori
në shkollë për të shkuar.
Lena e vogël e buzëqeshur
do t’shkojë në klasë të parë,
bashkë me shoqet tjera
faqet i kanë larë.
Mësuesja e hareshme
të dera u del përpara,
ejani pëllumbat e mi
në mësime u priftë e mbara!
Ata hyn në klasë
plot gaz e hare,
sot për ata filloi
një epokë e re.
Të gjithë me vullnet
në shkollë do të shkojmë,
shkronjat në Abetare
ngadal do t’i mësojmë.
Buzëqesh mësuesja
plot hare,
do të mësojmë
në shkollën e re.
Të gjithë së bashku
do të mësojmë e këndojmë
dhe atdheun tonë
përherë do ta çmojmë.
