Sir Alex Ferguson ka ofruar një plan se si Manchester United duhet të përballet me menaxherët që nuk arrijnë rezultate, si Ruben Amorim.
Bashkë me Sir Matt Busby, Ferguson është pa dyshim menaxheri më i madh në historinë e United, pasi drejtoi “Djajtë e Kuq” për 26 vjet dhe fitoi 13 tituj në Premier League, para se të largohej në vitin 2013.
Që nga dita kur Ferguson u largua, United ka dështuar të sigurojë një titull ligë dhe ka fituar vetëm pesë trofe në 12 vitet e fundit.
Aktualisht, situata është ndoshta në një nga momentet më të ulëta të historisë moderne të klubit, me United që ka përfunduar në vendin e 15-të në Ligën Premier dhe ka humbur finalen e Ligës së Evropës ndaj Spurs në sezonin 2024/2025.
Në fillim të sezonit 2025/2026, rezultatet kanë qenë të dobëta në Ligën Premier me humbjen 1-0 ndaj Arsenal në javën e parë dhe barazimin 1-1 ndaj Fulham të dielën e kaluar.
Pastaj, të mërkurën, ata u eliminuan nga Kupa në raundin e dytë, pas një humbjeje të turpshme në penallti ndaj Grimsby Toën.
Disa tifozë kanë kërkuar që Amorim të largohet, por ai do të qëndrojë në krye të skuadrës për ndeshjen e fundjavës ndaj Burnley në Old Trafford, megjithëse janë bërë spekulime për një kalim të mundshëm te Benfica.
Por, çfarë këshille ka dhënë ‘Fergie’ për Manchester United në lidhje me situatën aktuale?
Ndërkohë që ai nuk e ka adresuar drejtpërdrejtë të ardhmen e Amorim, skocezi ka dhënë disa fjalë të mençura në një seri intervistash me profesorin e Harvard Business School, Anita Elberse, në vitin 2012.
“Ajo që ndodh në disa klube është që duhet të humbësh vetëm tre ndeshje radhazi dhe të shkarkohesh”.
“Në botën e sotme të futbollit, me një brez të ri drejtuesish dhe pronarësh, nuk jam i sigurt nëse ndonjë klub do të ketë durimin për të pritur që një menaxher të ndërtuar një ekip gjatë një periudhe katërvjeçare”.
“Fitorja në një ndeshje është vetëm një fitore afatshkurtër, mund të humbësh ndeshjen tjetër. Ndërtimi i një klubi sjell stabilitet dhe konsistencë”, ka thënë Ferguson./Front Online/
