ëto ditë shtëpia botuese Faik Konica në Prishtinë, boton romanin DRITË e BURGOSUR, nga shkrimtarja shqiptare zvicerane, Drita Ademi.
Romani po vlerësohet lartënga kritika letrare.
Shkrimtari shqiptar Namik Dokle shkruan:
Është një roman i sinqertë në trishtimin e vet, tronditës në subjektin që ka dhe ulëritës në fatin e vajzave dhe grave për të cilat shkruan. Thënë shkurt, është roman për fatin e njeriut për të qenë ose për të mos qenë njeri; në fund të fundit ose je, ose nuk je i tillë. Është një prozë e spërkatur me vesë poezie, e mbushur me disa ndjesi që vetëm një shkrimtare grua mundet të na i përçojë, me ngjarje sa të thjeshta, po aq edhe tragjike, që të mbajnë deri në fjalën e fundit.
Drita Ademi, e lindur në Prishtinë, Kosovë, dhe me banim në Zvicër, është një zë i veçantë në letërsinë bashkëkohore. Poete shqiptare–zvicerane, ajo ka krijuar një profil të fuqishëm letrar falë origjinalitetit dhe thellësisë artistike të vargut të saj.
Deri më sot, autorja ka sjellë gjashtë vëllime poetike:
· Andrra e Gjethe (Toena, Tiranë, 2018)
· Vesë mbi Dhimbje (Konica, Prishtinë, 2020)
· Licht mit Regen (gjermanisht, Anthea Verlag, Berlin, 2023)
· Me kënd fola (Armagedoni, Prishtinë, 2023)
· Kiminle Konuştum (shqip–turqisht, Artshop, Stamboll, 2023)
· În lumina dorului / Në dritë të mallit (rumanisht, Haemus, Bukuresht, 2023)
Në vitin 2024, Drita Ademi u nderua me Çmimin “Azem Shkreli” për librin poetik Me kënd fola, duke u konfirmuar si një ndër zërat më të rëndësishëm të poezisë së sotme shqipe.
Krijimtaria e saj është përfshirë në disa antologji gjermane dhe poezi të saj janë botuar në Frankfurter Bibliothek. Vepra e Ademit është pritur me vlerësime të larta nga kritikë, shkrimtarë dhe personalitete të artit e kulturës në vendet ku janë botuar librat e saj.
