Si shqiponjë në dymbëdhjet male,
Kam nis jetën n’këngë e n’valle,
Mblodha germat vënd për vënd
Bashkë i bëra në kuvend !
Kur nis zani me dal prej shpirti,
Në bjeshkë të Lumës nana m’rriti ,
Djersa e ballit duke kulluar,
Na kan rritë dhe edukuar .
Ndaj sot bredh vargu me kangën
Në dymbëdhjet male lëshova penën,
Me i dhan jetë vendit ku linda
Bëra kangë e shkrova libra .
Fluturoj si shqipe në kreshta,
Vendin timë në këngë e deshta
Bashkë me andrra fluturova.
Në ato bjeshkë me za këndova .
Nëpër lisa i hodha vargjet.
Mu rrit kënga bash si malet,
Me burimet e bjeshkët sime,
Kam vadit mijëra kujtime .
Çdo kujtim, më përcjell shpirti,
Si shqiponjë mbi mal më ngjiti,
Sa herë malit fluturova
Vetëm kangë për ty këndova !
Më jep jetë dhe krenari,
Sa her shkruaj moj Vilë për ty,
Si shqiponjë mbi dymbëdhjet male
Fluturoj me këngë e valle!
