Kurbetit thurët rrjeta malli
Si zogjt e qiellit more fluturimin
Dhe zemrën nënës ma ndave dy
Kërkoje nga unë të jepja bekimin
E lotët ujvarë më binin nëpër sy
Nën këmbët e mia toka dridhej
Dhe si vullkan digjte shpirt
Ti ishe i vogël akoma i parritur
Në faqe ende s’kishe vënë brisk
Me shokët doje të ikje larg
Në kurbet për jetë më të mirë
Do shkoj më the dhe unë tani
S’jam më i vogël e di është vështirë
Vërtetë nuk ish kurbeti si më parë
Nuk ikje në këmbë nëpër male
Por prapë nga unë do ikje larg
Në zemër meraku nisi valle
Dhe ëndrrat natën me mua luanin
Herë kukafshehtas e herë përballë
Herë nga malli në lotë më lanin
E herë malluar m’ puthnin ballë
U rritët bij larg të malluar
Kurbetit thurët rrjeta malli
Se toka mëmë ju zhgënjeu
Me zemër lutet që ta falni
Njësoj si unë dhe shumë nëna
I lutemi Zotit për çdo natë
Për fëmijët e larguar
Që t’ju ruaj udhën e mbarë
