Liverpooli ka një detyrë më të lehtë psikologjikisht pas humbjes 5-2 – Ancelotti
Trajneri i Real Madridit, Carlo Ancelotti, është shprehur se Liverpooli e ka më të lehtë psikologjikisht ndeshjen e kthimit në Bernabeu, pavarësisht humbjes 2-5 nga “Mbretërit”.
Trajneri italian tha se mesazhi për lojtarët e tij është që “të mos supozojmë”, shkruan MSN, transmeton Klankosova.tv.
“Lojtarët e kuptojnë se unë mendoj se do të jetë një ndeshje e hapur pasi Liverpool vjen këtu duke u përpjekur të ndryshojë dinamikën. Ne duhet t’i bëjmë të dyja gjërat siç duhet, të sulmojmë dhe të mbrohemi”, tha Ancelotti.
Kujtojmë se kamponi në fuqi i Evropës, Real Madridi, në 66 ndeshjet e fundit në garat evropiane të luajtura në Bernabeu, vetëm një herë nuk kanë arritur që të shënojnë.
