sa herë zgjohet nga shtrati
e shikon veten para pasqyrës
e zgjate qafen
i vënë vathet në vesh
pastaj parfumohet
shtiret për të ma tërheq vëmendjen
sa më gjatë që e shikoj
më bëhet mister pamja e saj
thua se nuk e kam pa asnjëherë
atë trup
atë qafë
atë gjoks…
s´ka faj miku im kur thotë
vetëm budallenjtë kanë imagjinatë
për diçka që mund ta shohin çdo ditë
pjesë- pjesë
me të gjitha format abstrakte
në emër të atit e të birit
e të shpirtit të shenjtë
gjithçka është prelude gruaje
për çdo ditë
për çdo çast
në vargun tim kasnec
