SHESHI I TË MARRËVE
1.
e pabesueshmja dhe marrëzia
shpesh takohen në një pikë
ky ves i vjetër po na përsëritet
se nuk mund t’i besosh vetvetes
kur flet me gojë të huaj
mbase gjarpri i shtëpisë
ta ka lidh gjuhën
2.
o Zot, na janë ngatërrua kohët
nga infektimi i kokave
s’ janë të sigurt as të vdekurit
në kohë paqeje
djajtë e kuq s’e harrojnë zanatin
ta përbirojnë lirinë
për birë të gjilpërës
për inat vetvetes
në sheshin e të marrëve
derisa foli krye-djalli
një i gjallë dhe një i vdekur vallëzuan bashkë
