E DUA PRANVERËN…
E dua Pranverën
Me këngët e bilbilit
Me meloditë e barinjëve
Që bukur i bien fyellit !
Me këngët e dallëndysheve
Që ushtojnë majat e pyllit
Me këngët e zogjëve
Që jehonë i japin qiellit !
E dua Pranverën
Me lule që verdhojnë
Me lulet më të bukura
Që Botën relaksojnë !
E dua Pranverën
Me shqipe përmbi kokë
E dua Pranverën
Qetësi të gjejë kjo Botë !
E dua Pranverën
Në qiell të ketë qetësi
Pranverën e dua
Pa rrëbeshe e stuhi !
Pranverën e dua
Jo më vapë të madhe
E dua Pranverën
Pa ngrohje artificiale !
E dua Pranverën
Me këngën e bilbilit
Pa këngën e ca barinjëve
Që me një vrimë i bien fyellit !
E dua Pranverën
Pa shpuzat e zjarrit
E dua Pranverën
Me flladin e malit !
Pranverën e dua
Me lule nëpër livadhe
E dua Pranverën
Me “shira” që shuajnë “zjarre” !
Të gjithë i themi Dimrit
– Ik ti Dimër i acartë
Mos u vono Pranverë
– Eja shpresë e begatë !
