ZEMRËN MA LËNDOVE
Seç ma lëndove zemrën
Mbrëmë ëndërr kur të pashë
Herë, vije si xixëllonjë
Herë, më e bukura vashë !
Zemrën ma lëndove
Kur n’ ëndërr vije si flutur
Herë, hije vije para syve
Herë, si lulja më e bukur !
Zemrën ma lëndove
Veshur nuse kur të pashë
Plot bukuri e nur fytyra
Më e bukura lule’ vashë !
Zemrën ma lëndove
Si yll kur ndriçoje
Prisja drit’hënë të afronte
Drejt meje të fluturoje !
Seç ma lëndove zemrën
Më ikte dhe muza
Të ndjeja përmes ëndërrës
Kur të qeshte buza !
Mos ma lëndo zemrën
Bukuroshe shtat’ selvi
Eja, dhe pse është ëndërr
Të tretemi në dashuri !
Mos ma lëndo zemrën
Eja si engjëll që fluturon
Se dhe përmes ëndërrës
Zemra ndjen e lumturon !
Mos ma lëndo zemrën
E bukur, porsi zanë e malit
Eja përmes ëndërrës
Siç vjen lulja e beharit !
Ndaj eja engjëll Perendie
Të themi ca të vërteta
Të përcjellim dashuri e shpresë
Se ëndërr e shkurtër është dhe jeta !
