Kam mall për ato fytyra të rrudhura që më nuk janë
Kam mall për ato vënde ku shpirti është rritë
Kam mall për ato rreze të arta mëngjesi plot dritë
Kam mall për ato momente që kam kaluar matanë
Kam mall për ato rrugë e zig zage që kam ba
Kam mall për ato shpirtra që nga unë janë nda
Kam mall për ato gëzime e hidhrime që kaluan
Kam mall për ato net pa gjumë që ikën e shkuan
Kam mall për ato flakaresha që baba në hidhrim m’i dha
Kam mall për ato fjalë duke perkëdhelë nëna i tha
Kam mall për ato ditë që me shoqëri së bashku kam kalua
Kam mall për ato çaste rinore që kam ndjerë e
përjetua
Kam mall për ato troha rreth sofre që patën ra
Kam mall për ato ditë dimri me duar në xhep mërdhirë
Kam mall për ato agime kur i përgjumur kam gëdhirë
Kam mall për ato vite që s’ këthehen asnjëherë ma
Kam mall për ato fjalë që nuk i thashë e s’do i them ma
Kam mall por malli nuk shuhet duke shkruar
Kam mall por malli më ngeli i pa përshkruar…
