A e din përse,dita u gdhi?
përdhe çdo hije,e la përgjithmonë,
shën agimi valon e ndërzen ëmbëlsi,
me natë,prej gjumi një ujves’e zgjon.
A din përse,dielli del e na ngroh,
perdet errësirës,me shigjet ia grisi,
në kup të qiellit,kur Zotin e shoh,
në besim gjej veten,që dje më braktisi.
A e din përse,koha është dolli,
çasti të rrëmben,aq sa e gëzon,
ç’do ditë e shkuar,quaje mbretëri,
e nesërmja bekim,fat kush e takon.
A e din përse,zemra bën davanë,
mallëngjeu rëndë,kur u çor e u shemb,
në bregun e zbrazur,rrokullisur ramë,
brinjësh një shkëmbi,çdo krisje dhemb.
A e din përse,baticash jem’përpirë,
mentorja moshë,merimangash m’largon,
fjalësh,harp’e gërma,si qiri jem’shkrirë,
prej frymës që jap,lëng drite pikon.
A e din përse,buzëqesh në urtësi,
ora nëpër duar nofta po na shket,
mbushe gjyskupën,kthjellohu o njeri,
ç’mërzitesh kot,e sotmja je ti vet.
