Do jem..
Se dielli do të shuhet
Ne zemër atje ku s’duhet
Dhe nata qesh
O zot sa qesh
!
Dhe lulet do të dhëmbin
Në gjak të ngulin gjëmbin
Kërkon të më gjesh
Po ku do më gjesh!
E kotë që vjen rrotull
Me gjakun e përlotur
Pranë s’do më kesh
E kotë që t’më kesh
!
Brenda si ndjen më hapat
Se akulli të vret si takat
Pranë teje u gjenda
I zbehur si hëna!
Si lumi që vritet zallit
Detit t’i puth sytë e mallit
Pas teje renda
Si lotit nëna!
Netët palosi thjeshtë
Çdo dimër pa një vjeshtë
E qetë rri, s’do jem aty
Më mirë për ty!
Si qiri do jem harruar
Djegur mbi gur, i kulluar
Në krah pulbardhe si fletë
Tek iki si retë!
