Blerina Behari-Mister

Diamanti i hedhur e ngelur rrugicash,
formuar mozaikë
në kalldrëme të lashta kohësh.
​Rojat në statuja të mermerta tunikash.
Përmendoret e rrënjët ngjyrosur.
Dishepujt në bedena lakuar
të joshin.
​Prijës e ushtarë në pritje
të betejës.
Madhështia që kap Everestin
në përshëndetje
shëmbëlltyrash, kontinentesh
ashtu mbeti.
​Bardhësia e viteve të thërret
butësisht:
— Ejani në misterin e përjetshëm
prekmëni. Jam një hije pa ju…