E kuptoj dhimbjen dhe mallin tënd
(bimës së poetit Ymer Elshani-Teutës)
dhe sa herë nisesh kalon tokë e det
ëndërron të takosh babain tënd poet
ëndërron të takosh vëllëzërit nënën
tek bisedojnë me diellin dhe hënën
dhe ata të presin…të presin në heshtje
në shpirt e zemër të shpërthen reshje
e kuptoj dhimbjen dhe mallin tënd
dhimbja është e fortë malli është i rënd
për ata të dritës që rojë i bëjnë atdheut
tokës së të parëve,emrit të Skënderbeut
më fal për këto vargje më fal nëse mundesh
nga malli për poetin-Ymerin edhe deti tundesh…
Ku
ku është truri ku janë farat
ku është gruri ku janë arat
ku është kopshti ku perimet
ku janë fushat ku janë gëzimet
ku është bariu ku janë delet
ku janë shtëpitë ku themelet
ku është vëllai ku është motra
ku janë gurët ku është votra…
Në mallin tim
gur valë gur valë valë gur valë gur
asnjherë bashkë nuk bëjnë mur
guri qëndron hatri s’i ngelet
edhe kur vala ia gërryen themelet…
kështu është që kur i krijoi natyra
kështu do të jetë dhe në vazhdim
herë bardh e zi herë ngjyra ngjyra
si ëndërr shpirti në mallin tim…
Kohë e brymtë
dhe erdhi koha e brymtë me vesë
kur gjithçka heshtë në një adresë
më nuk vjen as në ëndërr gjumi
as në rreze dielli as në rrjedhë lumi
më nuk vjen as në ëndërr gjumi
as në rreze drite as në rrjedh lumi
dhe erdhi koha e brymtë me vesë
kur gjithçka heshtë në një adresë…
Fotoja
Nila është gjashtë vjeçe
me flokët e gjata
jetës s’i bën leqe
edhe kur bie nata.
Ajo vetë nuk erdhi
dërgoi një foto
një ëmbëlsi derdhi
-është e bukur kjo?
Mirëmëngjesi gjyshi
tash sa iku nata
a e vëren tek dyshi
Pipin çorapëgjata?
Dhe ky afër meje
me shikim prej huti
gjak rrjedh ndër deje
Jon astronauti.
Ne jemi të vegjël
veç po rritemi shpejt
në këpucët e babit e mamit
ne qëndrojmë drejt…
