A është floçkë a është zanë?!
Sytë e saj sa shumë dritë
Nga qielli lart i pa anë,
Si një yll që shndrit!
Ç’faj kam që ndjej vibrime
Që me vijnë pastaj
Si të ishin tinguj violine,
Të ngjyer nga kurm’ i saj?!
E kam parë përmbi yje
Në ngjasim të Kleopatrës,
Më ka rënë si rreze syve
Me shkëndijimet e syzjarrtës.
Si një orë a hyjneshë
Të zgjon a të vë në gjumë,
Eliksir për perendeshë
Dejve të saj buron si lumë
.
Ai shikim i thellë sa deti
Me fuqinë sa një vullkan,
Zu t’më shkund si termeti!
A është floçkë a është zanë?!
