PARAJSA IME
Sa herë shkoj unë në vendlindje
E kam shpirtin plot me mall
Atje m’pret “parajsa”ime
E më thotë “mirë se ke ardhë “
Sa herë shkoj n”parajsën” time
Një trastë malli marr me vete
I thërras t’mijat kujtime
E m’thonë ,prap këtu na gjete
Nis e flas unë me kujtimet
Ulur bashkë aty tek dera
Brenda shpirtit i ndjej dhimbjet
Kur “n’parajsë ” shoh gurë e ferra
Një pikë loti m’tradhëtoi
E m’rrëshqiti shpejt përtokë
Loti i mallit më pikoi
Si vendlindja s’ka në Botë
Sa herë shkoj atje n’vendlindje
Si n’parajsë më duket vetja
Mora n’krah’ t’mijat kujtime
E n’parajsë unë rashë e fjeta
