Dritë Vendit Tim
Falë mëngjeset
Kujtimet,
Dhe ëndrrat e vjetra…
Dritën se fali dot
Dua ta mbjelli
Reshtur,
Edhe frymën e fundit
Të mekur e dua por dritë
Ta kthej në shpresën e fundit
Dritë,
Dritë në traditë
Në sofrën e poetit
Për zërin e rapsodit…
Dritë
Dritë në shkëlqim
Mbi baladat dhe lotët e vashave
Në ëndrrat e tyre të djegura…
Dritë,
Dritë dua mbi tymnajën e mëshirës
Dritë gjithmonë të ketë…
Mbi gurë,
Mbi libra,
Dritë mbi dashurinë e gjallë
Dhe atë ëndrrën që se fali kurrë…
Dritë,
Shkëndi në të vetmen shtizë të bajrakut
Dhe dasmën e shekullit
Dritë krushkut të lirisë,
Dritë vendit tim,
Dritë Shqipërisë…
