PRANË EMRIT TËND GJERGJ
Emri im e ka emrin
shpresë
Nuk ka vend
mbi këtë tokë
ku mund ndihesh
më ngrohët
më krenar
më i bukur
më i madh
më i gjallë
me më shumë besim
në dashuri
në dritë
në jetë
në gjithçka
që e ka emrin
Shpresë
Emri i Yt
EDHE ËNDRRAT T’I KAM PËRKUNDUR
Unë gjithmonë i kam besuar
zemrës dhe mendjes tënde
të bukur
se aty edhe kur ti flije
unë rrija zgjuar
Me dashurinë më të madhe
ëndrrat t’i kam përkundur
Por asnjë sukses yti
nuk më gëzon më shumë
se shpirti yt i bukur
Të vetmit vend ku i përkulem
është dashuria
Se nuk ka pasuri më të madhe
për një nënë
kur atë më të bukurën
që kërkohet nga njeriu
E lexoj sot në shpirtin tënd
DUA
Dua t’i harroj të gjitha vuajtjet
kur jam këtu
Dua vetëm të besoj
në dashuri
Në jetë
Në kthim
Sonte
ta putha lotin
Dardani
Desha ta përbij dhembjen
Frikën
Vetëm të gëzohem për ty
desha sot
Ecë zbathur jo rrall
kur jam këtu
Dua
të ma ndjesh gëzimin
për Ty
Dhembjen
Mallin
Aromën
Frymarrjen
Dua të të kem aq afër
Tokë e bekuar
Dua me mallin tim
T’i shëroj plaget…
