Jam jeta
Jam jeta e jetës në jetë të jetëve
Mos u merrni me vdekjen e vdekjes së vdekur
Jetoj jetësuar në jetën e njerëzve
Pastaj bashkë me ta nisem për të fjetur
Pastaj zgjohem një ditë tek njerëzit
Ashtu siç zgjohen ata çdo mëngjes
Kam jetën e jetës jetuar universit
Prandaj as lindem, prandaj as nuk vdes
Vetëm tek njerëzit dëgjoj fjalën vdekje
Pa ditur se vdekja jam unë në një çast
Ashtu si Feniksi në fund të një jete
Digjem dhe jetën nga hiri ringjall
