ndonjëherë ndërmendem
vetes i them
as e sotmja nuk ekziton
qenie e paqenë kjo
as përmbytet me diellin në det
as syrin e reinkarnon në qiell
ka sall një çast kur rrapëllon diçka
shumë të tjera çaste janë vezë që nuk çelin
disa tokën e mbjelllin me mollë të gozhduara në kryq
pamundësia është a s’është rastësi
ende nuk na ka treguar zoti
jeta dhe vdekja janë thjesht gjëra që ndodhin
ashtu pra siç bën vaki lot i shiut
heshturazi të rrokulliset trarit të ombrellës
derisa të pikojë në lugun e qafës
ose ta zëmë kur një glasë e trishtueshme trishtili
mjekrën thinjoshe
ta rinon me të hirtën e mbyllët
këto edhe janë gjëra që përbirohen
po nuk ndodh të ndodhë e sotmja pa ty
pa ty që nuk zbardhe
e zezo
