Emin Z. Emini-KUSH JAM UNË

në sofër abeli e kaini jam
pema mbi nji kodrinë dhe sopata
në kullë gaca e frengjia
robi i çartun e mkatari i papenduem në faltore
djelli e vrima e zezë në qjellna shpirti
hapi i fëmijës kambëzbathun në rrugë
dhe zinxhiri qi flamurin ua shtyp kokrrave të asfaltit
në tokë jam ashku i ugarit e vorri i hapun
drita në frymën e detit
dhe njeriu qi kurr’ nuk munet me ken vetja
nji kangë dhe gjashtë gjamë
jam unë