Mot me diell dhe vranësira të pakta, parashihet për ditën e mërkurë nga Instituti Hidrometeorologjik i Kosovës (IHK)
Temperaturat minimale do të lëvizin ndërmjet 8-12 gradë Celsius, ndërsa maksimalet e ditës parashihen të lëvizin ndërmjet 22-25 gradë Celsius.
Do të fryjë erë e lehtë deri mesatare.
Ndërkaq të enjten pritet mot me diell dhe vranësira të shpërndara.
Temperaturat nuk do të pësojnë ndryshime dhe mbeten pothuaj konstante me të ditës së mërkurë. Do të fryjë erë e lehtë deri mesatare nga drejtimi i verilindjes.
