Piramidë Dielli
Shkela mbi malet e mia,
Aty në cep të historisë,
U ktheva në kohën Ilire,
Mu në zemër të Dardanisë,
Gishtin me gisht gërvishta,
Të thithë gjakun e Flamurit,
Të marr bekimin nga Zoti,
Dhe u nisa,
Me plisin e bardhë mbi kokë,
Drejt Epokës…
Të vë gurin në vendin e vet,
Aty ku peshon më së miri,
Aty ku i lirë flet,
Dhe frymon si Ilir,
Të ngre piramidën e Diellit,
Të gjithë tok rreth saj,
Ti dalim Zot Epokës,
Të bashkuar në një Mbretëri,
Deri në përjetësi!
