Ikur Vjeshtës pa adresë,
mbi ombrellë gjethe plot,
hapat hedhur plot finesë,
leshrash vesa…pikon lot..
.
Drita mekur…ndër oaze,
shpinë-thyer shtatit tënd,
flladi rreth…ngren kafaze,
era shtigjesh nuk zë vënd..
.
Mjergulla dendur kuturu,
dal-ngadalë nis zvarriset,
heshtja zgjuar…aty-këtu,
mbi fosile…ëmbël griset…
Ikur Vjeshtës pa adresë,
qerpik-arta pëllumbeshë,
hapat hedhur plot finesë,
udhë-pritjet ngritur peshë…
